"Manchester Yunayted" yosh himoyachi Leni Yorodan mamnun. Jurnalist Fabrisio Romanoning yozishicha, klubning yangi bosh murabbiyi Ruben Amorim va uning murabbiylar shtabi futbolchidan qoyil qolishgan.
Portugaliyalik mutaxassis jarohat tufayli uzoq vaqt maydonga tusha olmaganidan so‘ng, himoyachini o‘yin vaqtini ortiqcha yuklamasdan, asta-sekin tarkibga kiritmoqchi. Qayd etilishicha, Yoro klubning daxlsiz futbolchilaridan biri hisoblanadi.
19 yoshli fransiyalik futbolchi joriy mavsumda klubning 8 ta o‘yinida qatnashdi. Yoroning mankunianliklar bilan shartnomasi 2029 yilning 30 iyuniga qadar amal qiladi.
