"Реал Мадрид" бош мураббийи Карло Анчелотти ярим ҳимоячи Лука Модричнинг ўйини ва унга бўлган муносабатидан хурсанд бўлди. 39 ёшли хорватиялик футболчи Испания кубоги доирасидаги "Депортив Минера"га қарши ўйинда (5:0) 63 дақиқа ўйнаб битта гол урди.
"Модрич - футбол учун совға. Айниқса, уни яқин жойда кузата оладиганлар учун. У ҳар қандай ўйинга худди финальдек тайёргарлик кўради, бу эса ёшлар учун жуда муҳим ўрнак бўлади", деди Анчелотти ўйиндан кейинги интервьюсида.
Лука Модрич ушбу мавсумда "Реал" сафида 27 та ўйинда майдонга тушиб, 2 та гол ва 4 та голли узатмага муаллифлик қилган.
