"Милан"нинг чап қанот ҳимоячиси Тео Эрнандес Италия Суперкубоги финалида "Интер" устидан қозонилган ғалаба (3:2) ҳақида фикр билдирди.

"Бу ажойиб ўйин бўлди. "Интер" ажойиб жамоа эканлигини билардик. Мен оғир даврни бошдан кечирдим, ўйлайманки, эндигина формага қайтяпман, ҳали юқори формада эмасман, лекин жамоамга ёрдам бериш учун қўлимдан келганини қиляпман.

Фонсеканинг ишдан бўшатилиши учун қандайдир жавобгарликни ўз зиммамизга олишимиз керак, бу фақат унинг айби эмас. Биз бирга ўтказган вақтимиз учун миннатдормиз ва унга энг яхши тилакларни тилаймиз. Бизда Консейсау билан ишлаш учун кўп вақт бўлмади, лекин ўзгаришлар бизга яхши таъсир қилди деб ўйлайман", - дея Эрнандес сўзларини келтиради Mediaset.