"Ливерпул"нинг асосий ҳужумчиси "Барселона" фойдасига клуб билан тузилган янги шартномани рад этди.
Mundo Deportivo хабарига кўра, 27 ёшли Луис Диас "Ливерпул"нинг янги шартнома бўйича таклифини рад этган, чунки уни шахсий келишув шартлари қониқтирмаган.
Маълумки, Каталония гранди унинг клубдаги ҳолатини диққат билан кузатиб бормоқда. "Кўк-анорранглилар" раҳбарияти қанот ҳужумчисига анчадан бери қизиқиш билдирмоқда. Аввалроқ, футболчига "ПСЖ" томонидан ҳам қизиқиш билдирилаётгани ҳақида маълумотлар пайдо бўлганди.
Колумбиялик футболчининг "Ливерпуль" билан амалдаги шартномаси 2027 йилнинг июн ойи охиригача амал қилади.
Луис Диас жорий мавсумда “қизиллар” сафида барча турнирлар доирасида 26 та ўйинда майдонга тушиб, 12 та гол ва 3 та голли узатмага муаллифлик қилган.
