Англиянинг "Борнмут" клуби қишки трансфер ойнасида асосий ҳужумчилар Эванилсон ва Энес Уналнинг жароҳати туфайли янги ҳужумчи сотиб олишга ҳаракат қилади.
TEAMtalk манбаларининг хабар беришича, "Борнмут" Эван Фергюсоннинг трансфери бўйича "Брайтон"га расмий сўров юборган. Клуб вакиллари аллақачон 20 ёшли футболчининг атрофидагилар билан гаплашиб олишган.
"Чайкалар" раҳбарияти ўз ҳужумчисини ижарага беришга тайёр, аммо "олчалар" футболчининг трансферини тўлиқ вақтли равишда расмийлаштиришга ҳаракат қилишлари мумкин. Трансфер нархи 40 миллион фунт атрофида бўлиши кутилмоқда.
Ирландиялик форвард жорий мавсумда “Брайтон” сафида барча мусобақаларда 14 та ўйинда майдонга тушиб, атиги 1 та гол урган.
