Умар Мармуш Бундеслига тўпурарлар рўйхатида биринчи ўриндаги Харри Кейнга етиб олди.
"Айнтрахт" ҳужумчиси 16-турда "Санкт-Паули"га (1:0) қарши ўйинда ғалаба тўпини киритди.
25 ёшли мисрлик футболчининг жорий чемпионатда урган голлари сони 14тага етди - бу "Бавария" аъзоси Кейн билан бир хил.
Шу билан бирга, Мармуш шерикларига 7 марта голли узатма берди. Унинг ҳисобида жами 21 та гол+пас бор – Европанинг бешта етакчи лигаларида фақат "Ливерпуль" вингери Муҳаммад Салоҳда кўпроқ (18 гол ва 13 голли узатма).
Аввалроқ, "Манчестер Сити" яқин вақт ичида "Айнтрахт" футболчисини сотиб олмоқчилиги маълум бўлганди. Франкфуртликлар 80 миллион евро талаб қилмоқда.
