"Манчестер Сити" бош мураббийи Хосеп Гвардиола жамоанинг жорий мавсумда дуч келган инқироз сабаблари ҳақида яна бир бор гапирди.
Шанба куни "шаҳарликлар" Англия кубогида "Салфорд Сити"ни мағлуб этишди (8:0) - бу уларнинг кетма-кет учинчи ғалабаси. Бунгача Гвардиола шогирдлари 13 учрашувда бор-йўғи бир марта ғалаба қозониб, 9 марта мағлубиятга учраган.
"Муаммоларимизнинг сабаби шундаки, бизда захира таркиби йўқ эди. Футболчиларимизнинг 60 фоизи жароҳат олган. Тўрт-беш нафар ҳимоячимиз ҳеч қачон бирга иккита машғулот ўтказмаган - бу мавсумдаги муаммо шу. Шунинг учун биз ушбу ёки кейинги трансфер ойнасида таркибни яна бир неча ўйинчи билан кучайтиришга ҳаракат қиляпмиз", - дея испаниялик мураббийнинг сўзларидан иқтибос келтиради City Report нашри.
