"Челси"нинг марказий ҳимоячиси Аксель Дисасига бир қанча клублар қизиқиш билдирмоқда. "Кўклар" раҳбарияти Мареска жамоасида мунтазам ўйин амалиётига эга бўлмаган 26 ёшли футболчини қўйиб юборишга тайёр.
Журналист Экрем Конурнинг ёзишича, Англиянинг “Ньюкасл” ва “Вест Хэм”, Италиянинг “Ювентус” ва “Аталанта” ҳамда Германиянинг “Байер” клублари франциялик футболчини январда ўз сафига қўшиб олмоқчи.
Transfermarkt томонидан 30 миллион еврога баҳоланган марказий ҳимоячининг ўзи фаолиятини қаерда давом эттиришни афзал кўриши ҳозирча номаълум. Аксель Дисаси бу мавсумда “Челси” сафида 16 та ўйинда майдонга тушиб, 2 та гол ва 2 та голли узатмага муаллифлик қилган.
