"Chelsi"ning markaziy himoyachisi Aksel Disasiga bir qancha klublar qiziqish bildirmoqda. "Ko‘klar" rahbariyati Mareska jamoasida muntazam o‘yin amaliyotiga ega bo‘lmagan 26 yoshli futbolchini qo‘yib yuborishga tayyor.

Jurnalist Ekrem Konurning yozishicha, Angliyaning “Nyukasl” va “Vest Xem”, Italiyaning “Yuventus” va “Atalanta” hamda Germaniyaning “Bayer” klublari fransiyalik futbolchini yanvarda o‘z safiga qo‘shib olmoqchi.

Transfermarkt tomonidan 30 million yevroga baholangan markaziy himoyachining o‘zi faoliyatini qayerda davom ettirishni afzal ko‘rishi hozircha noma’lum. Aksel Disasi bu mavsumda “Chelsi” safida 16 ta o‘yinda maydonga tushib, 2 ta gol va 2 ta golli uzatmaga mualliflik qilgan.