"Милан" ҳимоячиси Фикайо Томори "Ювентус"нинг трансфер мақсади бўлиб қолмоқда.
"Кекса синьора"нинг англиялик футболчига қизиқиши ҳақидаги маълумотлар декабрь ойида пайдо бўлганди, бироқ сўнгги ҳафталарда футболчининг Туринга ўтиши ҳақидаги гап-сўзлар барҳам топди. Бироқ, инсайдер Жанлука ди Марционинг янгиланган хабарига кўра, "Ювентус" Томори бўйича келишувга яқинлашмоқда. Яқин орада "бьянконерилар" вакиллари "Милан" билан келишувга эришишга ҳаракат қилишади.
Фикайо Томори ушбу мавсумда "россонерилар" сафида 20 та ўйинда майдонга тушди. Transfermarkt маълумотларига кўра, 27 ёшли футболчининг нархи 22 миллион евро.













