Бразилия терма жамоаси ва Туриннинг "Ювентус" клуби ярим ҳимоячиси Дуглас Луис яна Премьер-лигага қайтиши мумкин. Бу ҳақда инсайдер Девид Орнштейн ижтимоий тармоқларда хабар берди. Футболчи аввалроқ "Астон Вилла"да ўйнаган.
"Манчестер Сити" жорий трансфер ойнасида бразилиялик ҳимоячининг трансферини якунлашни режалаштирмоқда. Премьер-лига чемпионлари ярим ҳимоячини кейинчалик сотиб олиш ҳуқуқи билан мавсум охиригача ижарага олиш ниятида. "Кекса синьора" футболчини сотиш ва ижарага бериш вариантларини кўриб чиқишга тайёр.
Дуглас туринликлар билан 2029 йилнинг ўрталарига қадар шартномага эга. «Transfermarkt» маълумотларига кўра, Луиснинг бозор нархи 45 миллион еврони ташкил қилади.
