"Ливерпуль" ҳужумчиси Муҳаммад Салоҳдан унинг келажаги ҳақида сўрашди.
32 ёшли футболчининг мерсисайдликлар билан шартномаси жорий мавсум охирида якунига етади. Сешанба куни мисрлик футболчи Чемпионлар лигаси доирасида "Лилл"га қарши ўйинда (2:1) гол урди.
Салоҳ Европанинг нуфузли турнирларида 50 голлик маррани забт этди. Ўйиндан кейинги интервью чоғида журналистлар форварддан Чемпионлар лигасида "Ливерпуль" учун яна 50 та гол ура оладими, деб сўрашди: "Мен бунга ишончим комил эмас, лекин қўлимдан келганини қиламан", - дея жавоб берди футболчи.
