Пепе Бордалас "Барселона" билан ўйиндан кейинги таҳдидларга тоқат қилолмади.
Унинг қўл остида "Хетафе" каталонияликлар билан 1:1 ҳисобида дуранг ўйнади. Ўйиндан сўнг Instagram'даги мураббийнинг хабарига изоҳларда "биз сени ва оилангни ўлдирамиз," "биз болаларингни топамиз," "каламуш" каби ҳақоратлар ва таҳдидлар ёзила бошлади.
"Мен яхши эмасман, бу жуда жиддий. Мен бу имкониятдан фойдаланиб, биз аллақачон полицияга шикоят юборганимизни айтмоқчиман.
Жараён узоқ давом этади. Умид қиламизки, адолат қарор топади ва бундай ҳолат мен билан ҳам, бошқалар билан ҳам такрорланмайди," - деди Бордалас.
