«Give Me Sport» мутахассислари дунёнинг энг яхши марказий ҳужумчилари рейтингини тузди. Рейтингни шакллантиришда қуйидаги мезонлар баҳоланди: голлар, голли узатмалар, бир ўйинда ўртача голлар сони, жамоа учун муҳимлиги, индивидуал ўйинлар.
Биринчи ўринни кутилмаганда "Барселона"дан Роберт Левандовски эгаллади. Иккинчи ўринда "Бавария"дан Харри Кейн, учликни эса "Манчестер Сити"дан Эрлинг Холанд якунлади.
Рейтингда жами 15 нафар ҳужумчи бор. Кейинги ўринларга Килиан Мбаппе, Александр Исак, Виктор Дьёкереш, Омар Мармуш, Лаутаро Мартинес, Виктор Осимхен, Олли Уоткинс, Виктор Бонифасе, Криштиану Роналду, Матео Ретеги, Маркус Тюрам ва Антуан Гризманн кирди.
