"Реал Мадрид" ҳимоячиси Рауль Асенсио "Вальядолид"га (3:0) қарши ўйиндан сўнг интервью берди. Карло Анчелотти ўзининг номинал марказий ҳимоячисини ўнг қанот ҳимоячиси позициясида майдонга туширди.
21 ёшли футболчи 68-дақиқагача ўйнади ва "қаймоқранглилар"нинг ўз дарвозасини дахлсиз қолдиришига ёрдам берди.
"Йўлимга келган ҳар бир имкониятдан фойдаланаман. Қайси позицияда ўйнашимдан қатъи назар, боримни беришга тайёрман.
Мен жамоа билан танишишда давом этаман ва мураббий менга қўйган ҳар қандай вазифани бажаришдан хурсандман", деди Мадрид грандининг асосий жамоасида 17 ўйин ўтказган Асенсио, ўйиндан кейин ОАВ вакиллари билан суҳбатда.
