"Ювентус" ярим ҳимоячиси Николо Фаджиоли қишки трансфер ойнаси ёпилгунга қадар клубни тарк этиши мумкин.
23 ёшли футболчи "бьянконерилар" бош мураббийи Тьяго Моттанинг режаларига киритилмаган, шунинг учун Турин клуби раҳбарияти ўз академияси битирувчиси учун трансфер таклифларини кўриб чиқишдан мамнун бўлади.
Журналист Николо Скиранинг хабар беришича, "Ювентус" Фаджиоли учун 20 миллион евро сўрамоқда.
Клуб футболчини бутунлай сотишга ёки сотиб олиш мажбурияти билан ижарага беришга тайёр. "Кекса синёра" кейинги сотиб олиш кафолатисиз ижарага бериш вариантларига қизиқмайди.
