"Манчестер Сити" дарвозабони Эдерсон Мораэс навбатдаги голли узатмани амалга оширди.
Бразилиялик футболчи "Челси"га (3:1) қарши ўйиннинг 68-дақиқасида Эрлинг Холандга ассистентлик қилди.
Opta хабарига кўра, Эдерсон ҳозирда Премьер-лигада бешта голли узатмага эга бўлиб, дарвозабонлар орасида ассист қилиш бўйича Пол Робинсоннинг рекордини такрорлади.
Эдерсон "Манчестер Сити"да 2017 йилдан буён ўйнаб келмоқда. У Англия Премьер-лигасида 264 та ўйин ўтказиб, 209 та гол ўтказиб юборган ва 120 та ўйинда ўз дарвозаси дахлсизлигини сақлаб қолган. 31 ёшли футболчининг клуб билан шартномаси 2026 йилнинг ёзига қадар мўлжалланган.













