"Байер" дарвозабони Лукас Градецки Бундеслигада кетма-кет 50 ўйинда мағлуб бўлмаяпти.

Кеча Леверкузен клуби Германия чемпионати 19-тури доирасида "РБ Лейпциг" билан дуранг ўйнади (2:2).

Финляндиялик 35 ёшли дарвозабон Бундеслигадаги мағлубиятсиз сериясини 50 та ўйинга етказди. У таркибда бўлганида "Байер" охирги марта 2022/23 йилги мавсумнинг 34-турида "Боҳум"га қарши ўйинда мағлуб бўлган - 0:3.

Бу кўрсаткич бўйича у турнир тарихида иккинчи ўринни эгаллаб турибди. "Бавария"нинг собиқ ҳимоячиси Жером Боатенгнинг энг яхши кўрсаткичи 2012-2014 йиллар оралиғида 56 та ўйин бўлган.