Якшанба куни "Лестер" Англия чемпионатида "Тоттенхэм"га қарши меҳмонда ўйин ўтказди. Иккинчи бўлим бошида "тулкилар"нинг тажрибали ҳужумчиси Жейми Варди "шпорлар" дарвозасига гол киритди. Ҳозирда Варди ҳисобида Премьер-лиганинг жорий мавсумида 10 та самарали ҳаракат (етти гол ва учта голли узатма) бор.
«Squawka» нашрининг хабар беришича, атиги беш нафар футболчи 37 ёш ва ундан катта ёшда АПЛнинг бир мавсумида 10 та голда иштирок этишга муваффақ бўлган. Ушбу рўйхатга Тедди Шерингем (2003/2004), Гари Спид (2006/2007), Райан Гиггз (2011/2012), Криштиану Роналду (2021/2022) ва Жейми Варди (2024/2025) киради.
АПЛ 1992 йилда ташкил этилган.
