"Астон Вилла" ҳужумкор ярим ҳимоячиси Эмилиано Буэндия тез орада "Байер" футболчисига айланиши мумкин. Журналист Бен Жейкобснинг сўзларига кўра, Леверкузен клуби 28 ёшли аргентиналик футболчини ижарага олиш бўйича музокараларни якунлашдан умидвор.
Қайд этилишича, футболчининг яна бир қанча вариантлари бор, аммо “Байер” трансферни талаб қилишда бошқаларга қараганда фаолроқ. 28 ёшли Буэндия ушбу мавсумда барча мусобақаларда 20 та ўйин ўтказиб, 3 та гол урди.
Футболчининг "Астон Вилла" билан шартномаси 2026 йилгача мўлжалланган. Transfermarkt маълумотларига кўра ярим ҳимоячининг бозор нархи 18 миллион еврони ташкил қилади.
