"Ан-Наср" Виктор Бонифасе билан шартнома имзолаши мумкин.
Инсайдер Фабрицио Романо хабарига кўра, Саудия клуби "Байер" футболчисини сотиб олиш бўйича расмий музокараларни бошлаган.
Нигериялик ҳужумчи Криштиану Роналду ўйнаётган клубни тарк этаётган Талисканинг ўрнини эгаллаши кутилмоқда.
Риёдликлар сафига ўтиши мумкин бўлган яна бир номзод - Жон Дуран. Бироқ, "Астон Вилла" ҳали ҳам форвардни клубда сақлаб қолишни истамоқда.
Бонифасенинг "Байер" билан шартномаси 2028 йилгача мўлжалланган.
Жорий мавсумда нигериялик футболчи Бундеслигада 10 та ўйинда майдонга тушиб, 6 та гол урди ва 1 та голли узатмани амалга оширди.
