"Барселона" бош мураббийи Ханс-Дитер Флик жамоасининг Чемпионлар лигасидаги истиқболлари ҳақида ўз фикрлари билан ўртоқлашди.
“Кўк-анорранглилар" умумий босқич якуний жадвалида иккинчи ўринни эгаллаб, турнирнинг 1/8 финалига йўл олди. Ла Лига грандининг кейинги рақиби "ПСЖ", "Монако", "Брест" ёки "Бенфика" бўлади.
“1/8 финалдаги рақиблар? Кейинги ўйин, кейинги қадам ҳақида ўйлаш ҳар доим ёқимли. Келинг, жума куни нима бўлишини кўрамиз. Кўпгина топ жамоалар тўғридан-тўғри 1/8 финалга чиқа олмадилар. Бу қийин бўлади", деди Флик.