Диего Симеоне Чемпионлар лигаси плей-офф босқичига чиқиш ҳақида гапирди.
"Атлетико Мадрид" Чемпионлар лигаси умумий босқичининг 8-турида "Залцбург"ни 4:1 ҳисобида мағлуб этди. Мадрид клуби турнирнинг ушбу босқичи якунига кўра 18 очко жамғарган ҳолда турнир жадвалида 5-ўринни эгаллади ва тўғридан-тўғри 1/8 финалга йўл олди.
"Мен энг фахрланадиган нарса бу жамоа қандай ўйнагани. Биз кўрмоқчи бўлган нарсамиздан бошқа ҳеч нарсани кўрмадик. Жамоа дарров ўйинга киришди, 30 дақиқа давомида биз рақибдан анча устун бўлганимизда жуда юқори темп кўрсатди ва яхши ҳужум қилди. Бунинг эвазига ўйин назоратини қўлга олдик. Менда жамоа ҳақида ижобий таассуротлар бор", деди Симеоне.