Diyego Simeone Chempionlar ligasi pley-off bosqichiga chiqish haqida gapirdi.
"Atletiko Madrid" Chempionlar ligasi umumiy bosqichining 8-turida "Zalsburg"ni 4:1 hisobida mag‘lub etdi. Madrid klubi turnirning ushbu bosqichi yakuniga ko‘ra 18 ochko jamg‘argan holda turnir jadvalida 5-o‘rinni egalladi va to‘g‘ridan-to‘g‘ri 1/8 finalga yo‘l oldi.
"Men eng faxrlanadigan narsa bu jamoa qanday o‘ynagani. Biz ko‘rmoqchi bo‘lgan narsamizdan boshqa hech narsani ko‘rmadik. Jamoa darrov o‘yinga kirishdi, 30 daqiqa davomida biz raqibdan ancha ustun bo‘lganimizda juda yuqori temp ko‘rsatdi va yaxshi hujum qildi. Buning evaziga o‘yin nazoratini qo‘lga oldik. Menda jamoa haqida ijobiy taassurotlar bor", dedi Simeone.
