"Inter" Italiya A Seriyasining 3-turida o‘z maydonida "Napoli"ni 3:2 hisobida mag‘lub etdi.
Neapolliklar Mateo Politano va Rasmus Xyoylundning gollari evaziga 2:0 hisobida oldinga chiqib olgandi. Politano 50-daqiqada, Xyoylund esa 53-daqiqada raqib darvozasini ishg‘ol qildi.
56-daqiqada Lautaro Martines hisobdagi farqni qisqartirdi. 82-daqiqada Markus Tyuram muvozanatni tikladi, 90+1-daqiqada esa Lautaro ikkinchi golini urib, "Inter"ga g‘alaba keltirdi.
Shu tariqa, "Inter" 3 ta o‘yinda 9 ochko to‘plab, 2026/27 yilgi A Seriya turnir jadvalida peshqadamlik qilmoqda. "Napoli" esa 3 ochko bilan 13-o‘rinda bormoqda.
Keyingi turda "Inter" o‘z maydonida "Udineze"ni qabul qiladi, "Napoli" esa uyda "Bolonya"ga qarshi bahs olib boradi.
