Angliya Premyer Ligasining 3-turidan o‘rin olgan “Manchester Siti” hamda “Koventri Siti” jamoalari o‘rtasidagi uchrashuv yakuniga yetdi. “Etihad” stadionida kechgan bahsda “shaharliklar” 1:0 hisobida g‘alaba qozondi.
O‘yindagi hisob uchrashuvning 26-daqiqasida mezbonlar a’zosi Erling Holand tomonidan ochildi. Mazkur hisob o‘yin yakuniga qadar o‘zgarmadi. Ushbu g‘alaba evaziga “Man Siti” turnir jadvalida 9 ochko bilan 1-o‘rinni egallab turibdi. “Koventri” esa joriy mavsumda 3 ta uchrashuvning barchasida imkoniyatni boy berdi.
E’tiborli tomoni, ushbu bahsda O‘zbekiston milliy terma jamoasi himoyachisi Abduqodir Husanov “Manchester Siti”ning asosiy tarkibida maydonga tushib, to‘liq harakat qildi. Abduqodir 90+5-daqiqada qo‘pollik uchun sariq kartochka oldi.
Avvalgi turda “Koventri” “Xall Siti”ga 0:1 hisobida imkoniyatni boy bergan bo‘lsa, “Manchester Siti” “Kristal Pelas”ni 4:1 hisobida mag‘lub etgan edi.
4-turda “shaharliklar” 13 sentyabr kuni safarda “Manchester Yunayted”ga qarshi bahs olib boradi. “Koventri” esa shu kuni o‘z maydonida “Brayton”ni qabul qiladi.
Angliya Premyer Ligasi, 2-tur
“Manchester Siti” — “Koventri” 1:0
Gol: 1:0 — Holand (26)
