Англия Премьер Лигасининг 3-туридан ўрин олган “Манчестер Сити” ҳамда “Ковентри Сити” жамоалари ўртасидаги учрашув якунига етди. “Etihad” стадионида кечган баҳсда “шаҳарликлар” 1:0 ҳисобида ғалаба қозонди.

Ўйиндаги ҳисоб учрашувнинг 26-дақиқасида мезбонлар аъзоси Эрлинг Ҳоланд томонидан очилди. Мазкур ҳисоб ўйин якунига қадар ўзгармади. Ушбу ғалаба эвазига “Ман Сити” турнир жадвалида 9 очко билан 1-ўринни эгаллаб турибди. “Ковентри” эса жорий мавсумда 3 та учрашувнинг барчасида имкониятни бой берди.

Эътиборли томони, ушбу баҳсда Ўзбекистон миллий терма жамоаси ҳимоячиси Абдуқодир Ҳусанов “Манчестер Сити”нинг асосий таркибида майдонга тушиб, тўлиқ ҳаракат қилди. Абдуқодир 90+5-дақиқада қўполлик учун сариқ карточка олди.

Аввалги турда “Ковентри” “Халл Сити”га 0:1 ҳисобида имкониятни бой берган бўлса, “Манчестер Сити” “Кристал Пэлас”ни 4:1 ҳисобида мағлуб этган эди.

4-турда “шаҳарликлар” 13 сентябрь куни сафарда “Манчестер Юнайтед”га қарши баҳс олиб боради. “Ковентри” эса шу куни ўз майдонида “Брайтон”ни қабул қилади.

Англия Премьер Лигаси, 2-тур
“Манчестер Сити” — “Ковентри” 1:0
Гол: 1:0 — Ҳоланд (26)