ЕЧЛ гуруҳ босқичининг 8-турида "Спортинг" ўз майдонида "Болонья" жамоасини қабул қилди. Беллашувда 1:1 ҳисоби қайд этилди.
Ўйиндан кейин ташкил этилган матбуот анжуманида "Спортинг" ҳужумчиси Жоао Симоэш ўз фикрларини билдирди.
"Мураббий мендан жамоага куч бериб, уларга ёрдам беришимни илтимос қилди. Мен муваффақиятга эришдим ва очко қўлга киритдик, бу эса кейинги босқичга чиқиш имконини берди. Бу жуда кескин ўйин бўлди, қийин бўлди. Аммо мақсадга эришилди ва бу унутилмас эди" - деди Жоао Симоэш.