Деян Кулушевски "Тоттенхэм"нинг натижалари ҳақида гапирди.
Мураббий Анж Постекоглу шогирдлари еттита ўйинда ғалаба қозона олмади ва АПЛ турнир жадвалида 15-ўринни эгаллаб турибди.
"Мени нотўғри тушунманг, лекин биз хато қилдик. Лекин бизда тўртта турнирда ўйнашга тайёр 10-11 нафар футболчи бор. Бу нормал эмас.
Шунинг учун биз буни ўз натижаларимиз билан тўлаймиз, айниқса, АПЛда. 9-10 нафар футболчи билан ҳафтада учта ўйин ўтказамиз. Айтиш керак бўлган нарса шу.
Бизда узоқ вақт давомида ҳафтасига учта ўйин ўтказадиган 11 нафар футболчи бор. Мен буни бошқа ҳеч қайси жамоада кўрмаяпман.
Мураббий учун ҳам курашишим керак, чунки унинг футболига ишонаман. У жамоамиз учун тўғри одам", - деди "Тоттенхэм" ярим ҳимоячиси Деян Кулушевски.