"Манчестер Юнайтед" дарвозабони Андре Онана Европа лигасида яхши ўйин кўрсатиш муҳимлиги ҳақида гапирди.
"Қизил иблислар" охирги тур олдидан турнир умумий рейтингида тўртинчи ўринни эгаллаб турибди.
"Менимча, биз Европа лигасида ғалаба қозонишимиз керак. Жамоамиздаги барча бу кейинги мавсумда Чемпионлар лигасига чиқиш учун ажойиб имконият эканлигини тушунади, шунинг учун биз бу мақсадни амалга ошириш учун барча имкониятларни ишга соламиз.
Финал қаерда бўлишини аллақачон биламиз ва бунга боримизни беришимиз керак. Аммо Англия кубоги, шунингдек, Премьер-лига ҳам муҳим, у ерда биз имкон қадар юқори натижага эришишга ҳаракат қиламиз", - дея Онана сўзларини келтиради «UtdDistrict».
