Словакиялик ҳимоячи Милан Шкриньяр расман "Фенербахче" футболчисига айланди.
Истанбул клуби матбуот хизмати трансфер ҳақида хабар берди. Словакиялик футболчи кейинги олти ойни ижара шартномаси бўйича "Фенербахче"да ўтказади.
Истанбул клуби футболчини сотиб олиш имкониятига эга. Эслатиб ўтамиз, Шкриньярнинг "ПСЖ" билан шартномаси 2028 йилнинг ўрталарига қадар амал қилади.
Милан жорий мавсумда Луис Энрике қўл остида Лига 1да атиги бешта ўйин ўтказди ва гол ура олмади.