Дарвозабон Тибо Куртуа бош мураббий Доменико Тедеско билан келишмовчилик туфайли бир мунча вақт Бельгия терма жамоасида ўйнамади. Тедеско яқинда ишдан бўшатилган ва энди Куртуа терма жамоага қайтмоқчи.
"Мен доимо жаҳон чемпионати - 2026 ҳақида ўйлардим, лекин терма жамоанинг аввалги мураббийи билан келишмовчиликларга дуч келдим. Охир-оқибат мен ҳақ бўлиб чиқдим," - дея Куртуа сўзларини келтирмоқда «HLN».
Тибо Куртуа охирги марта Бельгия терма жамоасида 2023 йилнинг ёзида ўйнаган. Умуман олганда, дарвозабон терма жамоа сафида 102 та ўйин ўтказиб, 79 та гол ўтказиб юборган.