"Манчестер Сити" вингери Савио Неймарнинг "Сантос"га ўтиши ҳақида гапирди.
32 ёшли бразилиялик яқинда Саудия клуби билан шартномани бекор қилиш бўйича келишувга эришгач, "Ал-Ҳилол"ни тарк этди.
Кейинроқ футболчи ватани "Сантос"га қайтишини маълум қилди.
"Мен Неймар ва Сантоснинг ижтимоий тармоқларини ҳар куни текшираман. Мен жуда хурсандман. Менимча, у ўйнаши керак. У Бразилия терма жамоасидаги бизнинг йигит ва умид қиламанки, у майдонга қайтади ва яна порлайди, жумладан, терма жамоада ҳам.
2026 йилги жаҳон чемпионати унинг сўнгги турнирларидан бири бўлишини айтгани эсимда. У учун жонимизни берамиз", - дея Савионинг сўзларини келтиради Sport Witness.