"Manchester Siti" vingeri Savio Neymarning "Santos"ga o‘tishi haqida gapirdi.
32 yoshli braziliyalik yaqinda Saudiya klubi bilan shartnomani bekor qilish bo‘yicha kelishuvga erishgach, "Al-Hilol"ni tark etdi.
Keyinroq futbolchi vatani "Santos"ga qaytishini ma’lum qildi.
"Men Neymar va Santosning ijtimoiy tarmoqlarini har kuni tekshiraman. Men juda xursandman. Menimcha, u o‘ynashi kerak. U Braziliya terma jamoasidagi bizning yigit va umid qilamanki, u maydonga qaytadi va yana porlaydi, jumladan, terma jamoada ham.
2026 yilgi jahon chempionati uning so‘nggi turnirlaridan biri bo‘lishini aytgani esimda. U uchun jonimizni beramiz", - deya Savioning so‘zlarini keltiradi Sport Witness.













