Элдор Шомуродов Европа Лигаси умумий босқичининг сўнгги учрашуви қаҳрамонларидан бири бўлди. “Рома”нинг “Айнтрахт”га қарши ўтказган муҳим беллашувида ўзбек ҳужумчиси захирадан майдонга тушиши билан гол уриб, жамоасининг ғалабасини таъминлади.

“Рома” кейинги босқичга чиқишни муваффақиятли уддалаганидан кейин бош мураббий Клаудио Раньери Sky Sport нашрига интервью бериб, Элдор Шомуродовнинг келажагига ҳам ойдинлик киритди.

"Мен унга биз билан қолишини айтдим. Ҳамма ўйинчилар уни яхши кўради, мухлислар ёқтиради, чунки Элдор ҳар доим борини бериб ўйнайди.

Шомуродов менинг қўл остимда “Кальяри”да ўйнаган ва бу йигит мун учун жуда муҳим аҳамиятга эга ўйинчи. Энг ёқадиган томони, у ҳамиша табассум қилиб туради.

Кўпинчи унга жаҳл қиламан, шунинг учун “Шомуродов, агар кетиб қолсанг, мен заҳримни кимга сочаман?”, дедим.