"Аякс" ярим ҳимоячиси Жордан Хендерсон клубини ўзгартиришга яқин турибди.
34 ёшли футболчининг "Монако"га ўтишига бир қадам қолгани пайшанба куни маълум бўлганди.
De Telegraph хабарига кўра, "Аякс" Хендонинг уни Лига 1 клубига эркин агент сифатида қўйиб юбориши ҳақидаги илтимосидан ҳайратда қолган.
Футболчининг клуб билан 2026 йилгача амалдаги шартномаси бор. Ярим ҳимоячи агар унинг илтимоси рад этилса, амстердамликлар сафида ўйнашни давом эттиришдан бош тортишини аниқ айтган.