“Барселона” марказий ҳимоячиси Андреас Кристенсен фаолиятини Европадан ташқарида давом эттириши мумкин.
Даниялик футболчи олган жароҳатидан фориғ бўлиб узоқ вақтни ўтказди, бироқ сафга қайтганидан кейин кўп ўтмай у яна касалхонага тушиб қолди, майдонга чиқишга улгурмади.
Журналист Жерар Ромеронинг ёзишича, 28 ёшли футболчига Саудия Арабистони чемпионатининг номи ошкор этилмаган вакиллари қизиқиш билдирмоқда.
Аввалроқ марказий ҳимоячи қишки трансфер ойнасида каталонияликлар сафини тарк этишга тайёрлиги ҳақида хабарлар тарқалган эди.