"Милан" Сантьяго Хименесни "Фейеноорд"дан 35-40 миллион еврога сотиб олади.
Нидерландия клуби раҳбарияти аввалги шартларни рад этгани учун Италия клуби 23 ёшли форвард учун бонуслар билан бирга 35-40 миллион евро таклиф қилиши ҳақида аввалроқ хабар берилган эди. Бу шартлар "Фейеноорд"га мос келади.
Кеча Хименес ва унинг агенти "Фейеноорд" раҳбарияти билан учрашган ва раҳбарият , мексикалик футболчидан мавсум охиригача қолишини сўраган. Бироқ ҳужумчи зудлик билан "Милан"га ўтишни истаётганини айтди.
Агар томонлар келишувга эришса, Хименес шу дам олиш кунларидаёқ Италияга келиши мумкин.
Эслатиб ўтамиз, "Милан" Чемпионлар лигаси плей-офф босқичида "Фейеноорд" билан учрашади, биринчи ўйин 11 февраль куни Роттердамда бўлиб ўтади.
Сантьяго Хименес жорий мавсум Эредивизияда 11 та ўйинда майдонга тушиб, 7 та гол урди ва 1 та голли узатмани амалга оширди.
