"Milan" Santyago Ximenesni "Feyenoord"dan 35-40 million yevroga sotib oladi.
Niderlandiya klubi rahbariyati avvalgi shartlarni rad etgani uchun Italiya klubi 23 yoshli forvard uchun bonuslar bilan birga 35-40 million yevro taklif qilishi haqida avvalroq xabar berilgan edi. Bu shartlar "Feyenoord"ga mos keladi.
Kecha Ximenes va uning agenti "Feyenoord" rahbariyati bilan uchrashgan va rahbariyat , meksikalik futbolchidan mavsum oxirigacha qolishini so‘ragan. Biroq hujumchi zudlik bilan "Milan"ga o‘tishni istayotganini aytdi.
Agar tomonlar kelishuvga erishsa, Ximenes shu dam olish kunlaridayoq Italiyaga kelishi mumkin.
Eslatib o‘tamiz, "Milan" Chempionlar ligasi pley-off bosqichida "Feyenoord" bilan uchrashadi, birinchi o‘yin 11 fevral kuni Rotterdamda bo‘lib o‘tadi.
Santyago Ximenes joriy mavsum Erediviziyada 11 ta o‘yinda maydonga tushib, 7 ta gol urdi va 1 ta golli uzatmani amalga oshirdi.
