"Манчестер Сити" ва "Порту" ярим ҳимоячи Нико Гонсалес борасида музокараларни давом эттирмоқда.
"Шаҳарликлар" қишки трансфер ойнасининг сўнгги кунларида ўз таркибини испаниялик футболчи билан кучайтиришни режалаштирмоқда, бироқ ҳозирча “аждарлар”нинг талабларини қондира олмади.
23 ёшли футболчининг шартномасида товон пули 60 миллион еврони ташкил этади, аммо инглиз гранди бу бандни фаоллаштириш ниятида эмас, дея хабар беради инсайдер Фабрицио Романо.
"Шаҳарликлар" раҳбарияти ярим ҳимоячини 40 миллион евродан кўп бўлмаган суммага сотиб олиш борасида келишиб олмоқчи. Никонинг ўзи аллақачон трансферга рози бўлган.
