«Манчестер Юнайтед» бош мураббийи Рубен Аморим жамоанинг қишки трансфер ойнасидан қандай фойдалангани ҳақида фикр билдирди.

«Биз трансферлар борасида жуда эҳтиёткормиз, чунки ўтмишда баъзи хатоларга йўл қўйганмиз. Бу менинг шахсий қарорим, шунинг учун маълум бир хавфга бораяпмиз, аммо бу – бизнинг йўлимиз. Мен нима қилишим кераклигини аниқ биламан ва бу таваккалларга бораяпман, чунки охирида бу ўз самарасини беради», – деди Аморим Mirror нашрига.  

Қайд этиш жоиз, қишки трансфер ойнасининг сўнгги кунларида Маркус Рэшфорд мавсум охиригача «Астон Вилла»га ижарага берилди, шартномада тўлиқ сотиб олиш имконияти ҳам мавжуд. Шунингдек, бразилиялик вингер Антони январ ойида «Бетис»га ижара асосида ўтди.  

АПЛда 24 турдан сўнг «Манчестер Юнайтед» 29 очко билан турнир жадвалида 13-ўринда бормоқда.