«Manchester Yunayted» bosh murabbiyi Ruben Amorim jamoaning qishki transfer oynasidan qanday foydalangani haqida fikr bildirdi.
«Biz transferlar borasida juda ehtiyotkormiz, chunki o‘tmishda ba’zi xatolarga yo‘l qo‘yganmiz. Bu mening shaxsiy qarorim, shuning uchun ma’lum bir xavfga borayapmiz, ammo bu – bizning yo‘limiz. Men nima qilishim kerakligini aniq bilaman va bu tavakkallarga borayapman, chunki oxirida bu o‘z samarasini beradi», – dedi Amorim Mirror nashriga.
Qayd etish joiz, qishki transfer oynasining so‘nggi kunlarida Markus Reshford mavsum oxirigacha «Aston Villa»ga ijaraga berildi, shartnomada to‘liq sotib olish imkoniyati ham mavjud. Shuningdek, braziliyalik vinger Antoni yanvar oyida «Betis»ga ijara asosida o‘tdi.
APLda 24 turdan so‘ng «Manchester Yunayted» 29 ochko bilan turnir jadvalida 13-o‘rinda bormoqda.













