Италия чемпионатининг ўн тўртинчи туридан ўрин олган қолдирилган ўйин бўлиб ўтди ва унда “Фиорентина” кутилмаганда Миланнинг “Интер” клубини 3:0 ҳисобида мағлуб этди.
“Фиорентина” устози Раффаэле Палладино учрашув натижалари ҳақида гапирди.
"Биз ғалабани Бовега бағишламоқчимиз, у ҳамиша қалбимизда, ўшанда содир бўлган воқеа учун бу ғалабани унга бағишлаймиз.
Бизда ўсишни хоҳлайдиган меҳнатсевар, амбицияли жамоа бор. Биз мотивацияни шу даражада ушлаб туришимиз керак, олдинда ҳали кўп ўйинлар ва кўп ишлар бор.
Душанбада бутунлай бошқача ўйин бўлади, чунки "Интер" қасос олишга чанқоқ бўлади ва бундан ташқари мотивация кўпроқ бўлади.
Бундан ташқари, биз унинг стадионида ўйнаймиз", - дея Палладинонинг сўзларини келтиради fcinter1908.it.
Эслатиб ўтамиз, 11 февраль куни "Интер" ҳамда "Фиорентина" яна бир бор баҳс олиб боради.
