"Манчестер Юнайтед" бош мураббийи Рубен Аморим жамоанинг Англия кубоги 1/16 финалидан ўрин олган "Лестер"га қарши ўйиндаги ғалабаси ҳақида фикр билдирди.
"Биз охиригача ишонишимиз керак эди, аммо бу ўйиннинг Ферги-таймга ҳеч қандай алоқаси йўқ. Менимча, тўп билан ҳам, тўпсиз ҳам анча яхшироқ ўйнашимиз керак.
Аввалига бизда куч йўқ эди, айниқса, биринчи бўлимда. Иккинчи бўлимда бироз яхшироқ, тезроқ ўйнай бошладик, тўп учун курашларни ютиб олдик. Вазиятни ўзгартира олдик, шунинг учун бу яхши натижа, аммо яхши ўйин эмас," - дея Аморимнинг сўзларини келтиради BBC.
