Нуфузли футбол агенти Жорже Мендеш "Барселона"га юқори даражадаги трансферни ташкил қилмоқчи, деб хабар беради «Calciomercato».
Манбага кўра, агент "Милан"нинг португалиялик ҳужумчиси Рафаэль Леаунинг "кўк-анорранглилар" сафига ўтиши учун ҳаракат қилмоқда. Мендеш январдаги трансфер ойнасида мижози учун янги вариантларни қидирди, аммо аниқ ҳеч нарса чиқмади. Леау Саудия Арабистонининг "Ан-Наср" клубида ўйнаши мумкин эди, бироқ томонлар трансфер шартлари бўйича келиша олишмади.
Португалияликнинг миланликлар билан шартномаси 2028 йилнинг ўрталарига қадар тузилган. Рафаэлнинг трансфер қиймати 75 миллион еврога баҳоланмоқда.
