Деку "Барселона" президентлигига собиқ номзодни судга берди
Январь ойида Виктор Фонт Витор Рокенинг "Барселона"га ўтишида юзага келиши мумкин бўлган қоидабузарликларга шаъма қилганди: "Деку уни ҳали Виторнинг агенти бўлганида таклиф қилган ва у клубга келганида биринчи қилган иши уни қўлга киритиш бўлган. Кўриниб турибдики, футболчи жамоага мос эмас".
Бу гапдан хабар топган Каталония клуби спорт директори "кўк-анорранглилар" президентлигига собиқ номзодни судга берди.
Витор Роке 2023 йилнинг ёзида "Атлетико Паранаэнсе"дан 30+31 миллион еврога сотиб олинган эди. Футболчи "Барселона"га 2024 йилнинг қишида келиб қўшилган эди. У ҳозирда "Бетис"да ижара асосида ўйнамоқда.













