"Манчестер Сити" ярим ҳимоячиси Матео Ковачич жамоанинг жорий мавсумдаги муаммолари ҳақида гапирди.
"Биз мавсумни ажойиб бошладик, аммо ноябрь ойидан бошлаб жарликка тушиб қолдик. Жамоа гоҳ олдинга икки қадам ташлайди, гоҳ яна қулайди. Ҳар бир хатомиз рақибларнинг голига сабаб бўлади ва биз деярли ғалабани нақд қилган ўйинларда бизга йўқ жойдан гол уришади.
Бу оғир, биз билан илгари бундай бўлмаган. Доим таъкидлаганимдек, баъзида айрим вазиятлар мавсумни ўзгартириб юборади. Олдинда кўплаб ўйинлар бор, барчасини тўғрилашга ҳаракат қиламиз," - дея Ковачичнинг сўзларини келтиради "City Xtra".
