"Комо" ярим ҳимоячиси Николас Пасга Европа грандлари қизиқиш билдирмоқда.
Мадриднинг "Реал" клуби аргентиналик футболчини ўтган йилнинг ёзида "Комо"га сотиб юборган ва биринчи навбатда сотиб олиш ҳуқуқини ўзида сақлаб қолганди. 20 ёшли футболчи Италияда шу қадар ёрқин ўйин кўрсатмоқдаки, "қироллик клуби" аллақачон ўз тарбияланувчисини қайтариш ҳақида ўйламоқда. Айни пайтда, инсайдер Фабрицио Романонинг ёзишича, Паснинг трансфери устида Миланнинг "Интер" клуби иш олиб бормоқда. "Нерадзуррилар" футболчининг вакиллари билан музокаралар олиб бормоқда. Милан гранди вице-президенти Хавьер Дзанетти порлаётган юлдузнинг отаси билан яхши муносабатда.
Transfermarkt экспертлари Николас Паснинг нархини 20 млн еврога баҳоламоқда. "Реал" ҳужумкор ярим ҳимоячи бошқа клубга сотилса, унинг трансфер суммасининг 50 фоизини олади.
