Ўзбекистон миллий терма жамоасининг жаҳон чемпионати саралаш босқичининг навбатдаги тур учрашувларида иштирок этиши муносабати билан миллий чемпионатимизда 20 кунлик таътил эълон қилинди. Фурсатдан фойдаланиб, ортга назар ташлайдиган бўлсак, 10та тур якунларига кўра, "Гулистон" иштирокидаги ўйинларга энг кўп мухлис ташриф буюрган. Бу ҳақида клуб ўз расмий сайти орқали маълумот бермоқда.
"Шу кунга қадар 72802 нафар ихлосманд “Гулистон” учрашувларини бевосита стадиондан туриб кузатишгани таҳсинга лойиқ, албатта. Ўйлаймизки, келгуси ўйинларда ҳам сирдарёликлар ўз севиклиларини қўллаб-қуватлаб туришади ва якуний статистикада ҳам биринчи ўринни эгаллашади деган умиддамиз", деб ёзади Гулистон клуби расмий сайти.
