"Реал" Чемпионлар Лигаси 1/8 финал дастлабки ўйинида "Атлетико"дан устун келди - 2:1. Ўйин "Сантьяго Бернабеу" стадионида бўлиб ўтди.

4-дақиқада Родриго ҳисобни очди. "Матрасчилар" биринчи бўлим ўрталарида жавоб голини уришга муваффақ бўлишди - Хулиан Альварес гол урди. Иккинчи бўлим бошида Браим Диас "қаймоқранглилар"нинг иккинчи голини урди ва голни нишонлаш вақтида сариқ карточка олди. Иккинчи бўлим сўнгида "Атлетико" бош мураббийи Диего Симеоне 5 та ўзгариш амалга оширди, бироқ ҳисоб ўзгармади.

Жавоб ўйини бир ҳафтадан сўнг, 12 март куни "Метрополитано" стадионида бўлиб ўтади.